6.SAIOA-Desafioak.

6-Saioa:

Gai multzoa: Talde kirolak.

Unitate didaktikoa: Euskal Pilota.

Saioaren kokapena:

            -Pilotaren kolpea eta 1. eta 2. espazio helburuak (kolaborazio-oposizioan).

-Sake eta errestoak (kolaborazio-oposizioan).

-Komunikazioa (kolaborazio-oposizioan).

-Postu espezifikoak (kolaborazio-oposizioan).

-Moldatutako jokoak eta Desoreka jokoak.

-Desafioak.

-Desafioak (II).

-Ebaluazioa.

Helburu orokorrak:

-Banakako, taldekako eta aurkaritzako kirol-eta jolas-jarduerak ezagutzea eta egitea.

                -Errespetuz jokatzea.

-Euskal Herriko eta beste kultura batzuetako tradizio ludikoek eta fisiko nahiz kirolekoek duten gizarte- eta kultura-kutsua aintzat hartzea.

Helburu zehatzak:

                -Prozedurazkoak:

-Euskal Pilotaren antzerako egitura duten joko-jolasak praktikatzea.

-Banaka egiten diren bertako jolasak praktikatzea.

-Banakako, taldekako eta aurkaritzako kirol-eta jolas-jarduerak egitea.

-Desafioak bizitzea.

                -Jarrerazkoak eta afektiboak:

-Aktiboki parte hartzea burututako joko-jolasetan.

-Errespetuz jolastu eta jokatzea.

                -Kognitiboak:

                               -Banakako, taldekako eta aurkaritzako kirol-eta jolas-jarduerak ezagutzea.

                               -Norberaren denbora librean hauek praktikatzeko edota asmatzeko gai izatea.

                               -Desafio mota desberdinak nolakoak diren ikustea.

                               -Euskal Pilotan espazioa eta denboraren eraginaz konturatzea.

Iraupena: 60´                Ikasle kopurua: 24                     Lekua (instalazioa): Ikastetxeko frontoia.

Kurtsoa: 3. D.B.H.                           Materiala: Eskupilotako pilotak (x6), zinta eta konoak (x6).

Eduki teorikoa:

                -Nahi edo ahal izatekotan desafio bat asmatzea.

Jardueraren Deskribapena	Antolakuntza	Helburua	Denbora
-6ko taldeetan banatuta; talde bat beste talde baten kontra jolastuko du. -Talde batek eskupilotako pilota bat edukiko du eta hauen helburua, beste taldeko jokalariak ukitzea izango da. -Pilotaduna ezin izango da mugitu, eta bere taldekideei pasa beharko die pilota aurkariak pilotarekin ukitzeko. -Aurkariak ukitzerako garaian ezin da pilota bota. Pilota eskuetan dugula aurkariak ukitu behar dira. -Behin ukituta, rolak aldatuko dira. Ihes egiten zuen taldea harrapatzailea bihurtuko da, eta alderantziz.	-Frontoiaren hiru koadrotan. -Klasea lautan banatuta (4x6). -Desplazamendu librea (pilotaduna ezin da mugitu). -Irakaslea kanpoan.	-Gorputza martxan jarri.	8 min.
-2:2 egoeran partidua jokatuko dute. -Bikote batek beti kantxaren eskuinaldera bota beharko du pilota (eskuinaldean pilotak botea jo). -Beste bikoteko batek jo ondoren frontisa ukitu beharko du eta besteak atzealdean kokatuta dagoen kono bat. -7 tantotara jokatuko da eta ondoren baldintzak aldatuko dituzte. -Bi modutara jokatu badute eta denbora libre badute, beraiek espazioa aldatuta beste desafio bat sortzeko aukera eman.	-Partida bakoitza bi koadrotan. -Binaka jarriko dira (12x2). -Desplazamendu librea. -Irakaslea kanpoan.	-Eskupilotako ezaugarri antzekoak dituen joko-jolas bat burutu. -Desafio bat burutu. -Espazio baldintzak aldatzeak sortzen dituen zailtasunez konturatzea.	13 min.
-2:2 egoeran partidua jokatuko dute. -Bikote batek frontisean egindako karratu batean sartzen badu pilota, tanto zuzena lortuko du. -Eta aldiz, pilota frontisa eta lehenengo koadroaren arteko espazioan punpatzen badu, tantoa galduko dute. -Beste bikoteak normal jokatuko du. -7 tantotara jokatuko da eta ondoren baldintzak aldatuko dituzte. -Bi modutara jokatu badute eta denbora libre badute, beraiek espazioa aldatuta beste desafio bat sortzeko aukera eman.	-Partida bakoitza 2 koadrotan jokatuko da. -Binaka jarriko dira (12x2). -Desplazamendu librea. -Irakaslea kanpoan.	-Desafio bat burutu. -Espazioaren baldintzak aldatzeak sortzen dituen zailtasunez konturatzea. -Pilota guk nahi dugun espazioetara zuzentzea.	13 min.
-2:2 egoeran partidua jokatuko dute. -Bikote batek 5 puntuko aldearekin hasiko da. -Eta beste bikoteak pilota bi aldiz jarraian joko du. -8 tantotara jokatukoa da eta ondoren baldintzak aldatuko dituzte. -Bi modutara jokatu badute eta denbora libre badute, beraiek espazioa aldatuta beste desafio bat sortzeko aukera eman.	-Partidak bi koadrotan jokatuko dira. -Binaka jarriko dira (12x2). -Desplazamendu librea. -Irakaslea kanpoan.	-Eskupilotako ezaugarri antzekoak dituen joko-jolas bat burutu. -Desafio bat burutu. -Denbora baldintzak aldatzeak sortzen dituen zailtasunez konturatzea. -Taldean jokatzeko aukera lantzea. -Kolpe aldizkotasuna landu.	13 min.
-2:2 egoeran partidua jokatuko dute. -Bikote batek tantoa bukatzeko 6 kolpe izango ditu. Eta 4 tanto lortu beharko ditu irabazteko. -Beste bikoteak ordea 8 tantora jokatuko du. -Behin partidua bukatuta, baldintzak aldatuko dituzte. -Bi modutara jokatu badute eta denbora libre badute, beraiek espazioa aldatuta beste desafio bat sortzeko aukera eman.	-Partiduak bi koadrotan. -Binaka jarriko dira (12x2). -Desplazamendu librea. -Irakaslea kanpoan.	-Desafio bat burutu. -Denboraren baldintzak aldatzeak sortzen dituen zailtasunez konturatzea. -Tantoa ahalik eta azkarren bukatu.	13 min.

3. Eranskina begiratu.