5.SAIOA-Moldatutako jokoak eta Desoreka jokoak.

5-Saioa:

Gai multzoa: Talde kirolak.

Unitate didaktikoa: Euskal Pilota.

Saioaren kokapena:

            -Pilotaren kolpea eta 1. eta 2. espazio helburuak (kolaborazio-oposizioan).

-Sake eta errestoak (kolaborazio-oposizioan).

-Komunikazioa (kolaborazio-oposizioan).

-Postu espezifikoak (kolaborazio-oposizioan).

-Moldatutako jokoak eta Desoreka jokoak.

-Desafioak.

-Desafioak (II).

-Ebaluazioa.

Helburu orokorrak:

-Banakako, taldekako eta aurkaritzako kirol-eta jolas-jarduerak ezagutzea eta egitea.

                -Errespetuz jokatzea.

-Euskal Herriko eta beste kultura batzuetako tradizio ludikoek eta fisiko nahiz kirolekoek duten gizarte- eta kultura-kutsua aintzat hartzea.

Helburu zehatzak:

                -Prozedurazkoak:

-Euskal Pilotaren antzerako egitura duten joko-jolasak praktikatzea.

-Banaka egiten diren bertako jolasak praktikatzea.

-Banakako, taldekako eta aurkaritzako kirol-eta jolas-jarduerak egitea.

                -Jarrerazkoak eta afektiboak:

-Aktiboki parte hartzea burututako joko-jolasetan.

-Errespetuz jolastu eta jokatzea.

                -Kognitiboak:

                               -Banakako, taldekako eta aurkaritzako kirol-eta jolas-jarduerak ezagutzea.

                               -Norberaren denbora librean hauek praktikatzeko edota asmatzeko gai izatea.

Iraupena: 60´                Ikasle kopurua: 24                     Lekua (instalazioa): Ikastetxeko frontoia.

Kurtsoa: 3. D.B.H.                           Materiala: Eskupilotako pilotak (x12) eta zinta.

Eduki teorikoa:

                -Moldatutako jokoen eta Desoreka jokoen arteko desberdintasuna ikusi.

                -Nahi edo ahal izatekotan moldatutako edo desoreka joko bat asmatzea.

Jardueraren Deskribapena	Antolakuntza	Helburua	Denbora
-6ko taldeak egin eta bi taldeen artean eskupilotako pilota mantentzera jolastu. -Hasieran paseak airez izango dira; ondoren bote bat emanaz, gero txandakatuz (bote-airez), … -Paseren bat gaizki egin ezkero pilota beste taldeari emango zaio. -Pilotaduna ezin da mugitu.	-Frontoiaren hiru koadrotan. -Klasea lautan banatuta (4x6). -Desplazamendu librea. -Irakaslea kanpoan.	-Gorputza martxan jarri.	8 min.
-Koadro bakoitzean 1:1 egoeran partida bat jokatuko da. -Bakoitzak pilota jo aurretik lurra ipurdiarekin ukitu beharko du. -Paretan, lurretik 3mtara zintarekin marra horizontal bat jarriko da, pilota hortik gora jo beharko da. -Lurra ipurdiarekin ukitzeko denbora ez badu eta besteak tanto egiten badu; puntu erdia eskuratuko du. -Norberak txarra egitean ordea, aurkariak puntu bat lortuko du. -5 tantora jokatuko da eta bikotez aldatu. -Aldaerak: -Bi eskuekin lurra ukitu. -Ipurdiaz gain ukondoekin ere ukitu beharko du lurra.	-Partida bakoitza koadro batean. -Binaka jarriko dira (12x2). -Desplazamendu librea. -Irakaslea kanpoan.	-Eskupilotako ezaugarri antzekoak dituen joko-jolas bat burutu. -Moldatutako joko-jolas bat praktikatu.	13 min.
-3:3 egoeran partiduak jokatuko dira. -Paretan 2x2mko karratu bat egingo da. (Ezker horma edukitzekotan beste bat jarriko da). -Esku ez trebearekin jokatuko dute denek. -Norbaitek pilota laukiren batean sartzen badu, tanto zuzena lortuko du. -Aldaerak: -Hirukoteko batek esku trebearekin jo dezake pilota. -Karratuak txikitu.	-Partida bakoitza 2 koadrotan jokatuko da. -Hirukoteka (8x3). -Desplazamendu librea (esku ez trebearekin pilota jo). -Irakaslea kanpoan.	-Esku ez trebearekin pilota jo. -Taldekideen arteko kooperazioa. -Moldatutako joko-jolas bat praktikatu.	13 min.
-1:1 egoeran partiduak jokatuko dira. -Tanto egiten duena jokatzen jarraituko du, eta galtzailea kanpora joango da. -Batek paretan dagoen marraren gainetik jo beharko ditu lehenengo 5 kolpeak. Ondoren partidu normala jokatuko da. -Besteak normal jokatuko du hasieratik. -Irabazlea desorekan hasiko da beti. -Aldaerak: -Desorekan dagoen partaidearen hasierako kolpe kopurua 3ra jaitsi. -Norbaitek airez jotzen badu pilota, aurkariak bere hurrengo bi kolpetan pilota marraren gainetik bota beharko du.	-Partidak bi koadrotan jokatuko dira. -6x4. -Desplazamendu librea. -Irakaslea kanpoan.	-Desoreka joko-jolas bat praktikatu. -Tantoa ahalik eta azkarren bukatzen saiatu.	13 min.
-1:1 egoeran partiduak jokatuko dira. -Bat desorekan egongo da: frontisean dagoen marraren gainetik (2mra) jo beharko du pilota eta pilotak ezin izango du ezker horma ukitu (ezker horma izatekotan). -Partida irabazten duena barruan geratuko da (desorekan jokatuko du hurrengo partida). -Aldaerak: -Ezker hormaren araua kenduta, bakarrik marraren gainetik jo (ezker horma izatekotan). Bestela, bakoitzak 3 kolpe eman ondoren, besteak jo beharko dio marraren gainetik. -Lurrean paretatik 2mra marra bat jarri, eta desorekan dagoena pilota jotzean botea marratik aurrera eman beharko du.	-Laukote bakoitza bi koadrotan. -6x4. -Desplazamendu librea. -Irakaslea kanpoan.	-Desoreka egoeran ahalik eta tanto gehien egitea izango da. -Desoreka joko-jolas bat praktikatu. -Pilota paretaren goialdean jotzen badu, tantoa egitea zaila dela konturatzea.	13 min.

2. Eranskina begiratu.