1.SAIOA-Pilotaren kolpea eta 1. eta 2. espazio helburuak (kolaborazio-oposizioan).

1-SAIOA:

Gai multzoa: Talde kirolak.

Unitate didaktikoa: Euskal Pilota.

Saioaren kokapena:

            -Pilotaren kolpea eta 1. eta 2. espazio helburuak (kolaborazio-oposizioan).

-Sake eta errestoak (kolaborazio-oposizioan).

-Komunikazioa (kolaborazio-oposizioan).

-Postu espezifikoak (kolaborazio-oposizioan).

-Moldatutako jokoak eta Desoreka jokoak.

-Desafioak.

-Desafioak (II).

-Ebaluazioa.

Helburu orokorrak:

-Banakako, taldekako eta aurkaritzako kirol-eta jolas-jarduerak ezagutzea eta egitea.

            -Errespetuz jokatzea.

-Euskal Herriko eta beste kultura batzuetako tradizio ludikoek eta fisiko nahiz kirolekoek duten gizarte- eta kultura-kutsua aintzat hartzea.

Helburu zehatzak:

                -Prozedurazkoak:

-kolaborazioa eta oposizioa landu denak denen aurkako egoeran.

-Espazio libreak sortu eta erabiltzeko gai izan.

- Alboko eta azpiko kolpeak espazioko gune ezberdinekin erlazionatzen gai izatea.

                -Jarrerazkoak eta afektiboak:

-Aktiboki parte hartzea burututako joko-jolasetan.

-Errespetuz jolastu eta jokatzea.

                -Kognitiboak:

                               -1.go eta 2. Espazio helburuak kontuan edukiz, pilota jotzeko aukera                                                  desberdinak ezagutzea.

               

Iraupena: 60´                Ikasle kopurua: 24                     Lekua (instalazioa): Ikastetxeko frontoia.

Kurtsoa: 3. D.B.H.                           Materiala: Eskupilotako pilotak (12), zinta eta konoak.

Eduki teorikoa:

                -Azpiko kolpea.

                -Alboko kolpea.

                -Airezko kolpea.

Jardueraren Deskribapena	Antolakuntza	Helburua	Denbora
-Frontisetik 3raino kide batek besteak harrapatu beharko ditu. Ezingo da ezarritako eremutik atera, hau da, kantxatik eta 3tik ezingo dira atera. Harrapatzaileak pilota frontisera bideratuko du eta bote ematen duen koadroan ez dauden kideak harrapatzeko aukera izango du. Horretarako 5 segundo izango ditu. Harrapakinak dauden koadroko eremuan bakarrik egin ahal izango dute korrika harrapatuak ez izateko. Harrapatzen dituen kideak eliminatuko dira. Azkena harrapatua izan dena hurrengo saiakeran harraparia izango da. Harrapariak pilota frontisean markatutako eremutik gora bakarrik jo ahal izango du pilota (eremu berdean). -Aldaerak: Pilota jo behar duen ikasleak ez badio pilotari ematen, hartu eta botatzeko aukera izatea.	-Frontoia bitan zatituz. -Klasea bitan banatuta (2x12). -Desplazamendu librea. -Irakaslea kanpoan.	-Gorputza eta eskuak martxan jarri.	8 min.
-Binaka batak pilota prestatuko dio besteak airez markatutako eremua  jotzeko. Horrela bakoitzak hiru aldiz jo arte. Ondoren partida librea. Airez tantoa: bi puntu. -Aldaerak: -Airez jotzeko gai ez bada, pilota airean hartu (burutik gorago) eta gestema imitatuz frontisera bota.	-Koadro bakoitzean bi partida jolastuko dira. -Bikoteka (2x12). -Desplazamendu librea. -Irakaslea kanpoan.	-Kolpea airez egiten gai izatea.	13 min.
-Koadro bakoitzean 2:2 egoeran partida bat jokatuko da. Bikote batek alboz joz kantxako gune batera bideratu behar du pilota. Beste pareak altxatu behar du eta frontiseko beste gune batera bideratu behar du pilota. Pareen artean txandakatuz joko dute pilota.  Kolaborazioan 10 pilotakada egin ondoren partida normal bat burutuko dute. Tanto bakoitzaren hasieran 10 pilotakada kolaborazioan  beharrezkoa egitea. -Aldaerak: -karratua handiagoa edo txikiagoa egitea. -Beste karratu bat alboz jotzen duen bikotearen ezkerrean kokatzea eta bertara bideratzea ere.	-Partida bakoitza koadro batean. -Binaka jarriko dira (6x4). -Desplazamendu librea. -Irakaslea kanpoan.	-Alboko eta azpiko kolpeak espazioarekin erlazionatzen gai izatea.	13 min.
-2 vs 2 egoeran bikote bakoitzak jarraian bi kolpe egingo ditu. Jotzen duten bakoitzean alboko marrak ukitu  beharko dituzte eta bertan gelditu beharko dira beste bikoteak bi kolpe eman arte. Bigarren kolpea frontisean markatutako marraren gainetik izan behar da. Kide batek ezingo du bi aldiz jarraian jo pilota, txandakatu behar dira. Alboz edo airez egiten badute tanto: bi puntu. -Aldaerak: -Lehenengo kolpea, hartu eta botaz egiteko aukera. -Bikote bat desorekan badago, bikote horri bakarrik eman bi kolpe emateko aukera, baita hartu eta botaz egiteko aukera  pilota joz izan beharrean.	-Partida bakoitza koadro batean. -Binaka jarriko dira (6x4). -Desplazamendu librea. -Irakaslea kanpoan	-Binaka joko egoeran espazio libreak sortzeko gai izatea.	13 min.
-6naka kokatuko dira eta hiru bikote osatuko dituzte. 3 tantoko partidak jolastuko dituzte. Bikote batek galtzen duenean kanpora atera eta beste bikotea sartuko da. Tantoak airez ego alboz, bi puntu balioko dituzte. -Aldaerak: -Jotzeko gai ez den taldeari hartu eta botatzeko aukera ematea baina frontisetik markatutako eremutik gora, beste taldeari pilotara jartzeko denbora emateko.	-Seikote bakoitza bi koadrotan. -6x4. -Desplazamendu librea. -Irakaslea kanpoan.	-Partida erreal bat bizitzea.	13 min.