2.SAIOA-Sake eta errestoak (kolaborazio-oposizioan).

2-Saioa:

Gai multzoa: Talde kirolak.

Unitate didaktikoa: Euskal Pilota.

Saioaren kokapena:

            -Pilotaren kolpea eta 1. eta 2. espazio helburuak (kolaborazio-oposizioan).

-Sake eta errestoak (kolaborazio-oposizioan).

-Komunikazioa (kolaborazio-oposizioan).

-Postu espezifikoak (kolaborazio-oposizioan).

-Moldatutako jokoak eta Desoreka jokoak.

-Desafioak.

-Desafioak (II).

-Ebaluazioa.

Helburu orokorrak:

-Banakako, taldekako eta aurkaritzako kirol-eta jolas-jarduerak ezagutzea eta egitea.

                -Errespetuz jokatzea.

-Euskal Herriko eta beste kultura batzuetako tradizio ludikoek eta fisiko nahiz kirolekoek duten gizarte- eta kultura-kutsua aintzat hartzea.

Helburu zehatzak:

                -Prozedurazkoak:

-kolaborazioa eta oposizioa landu denak denen aurkako egoeran.

-Esku pilotako sakea egiten gai izatea.

-Esku pilotako errestoa egiten gai izatea. 

                -Jarrerazkoak eta afektiboak:

-Aktiboki parte hartzea burututako joko-jolasetan.

-Errespetuz jolastu eta jokatzea.

                -Kognitiboak:

                               -Sakearen eta errestoaren norabide desberdinen zergatia ikastea.

               

Iraupena: 60´                Ikasle kopurua: 24                     Lekua (instalazioa): Ikastetxeko frontoia.

Kurtsoa: 3. D.B.H.                           Materiala: Eskupilotako pilotak (12), zinta eta konoak.

Eduki teorikoa:

-Sakea.

-Errestoa.

Jardueraren Deskribapena	Antolakuntza	Helburua	Denbora
-Frontisetik 3raino kide batek besteak harrapatu beharko ditu. Ezingo da ezarritako eremutik atera, hau da, kantxatik eta 3tik ezingo dira atera. Harrapatzaileak pilota frontisera bideratuko du eta bote ematen duen koadroan dauden kideak harrapatzeko aukera izango du. Horretarako 5 segundo izango ditu. Harrapakinak dauden koadroko eremuan bakarrik egin ahal izango dute korrika harrapatuak ez izateko. Harrapatzen dituen kideak eliminatuko dira. Azkena harrapatua izan dena hurrengo saiakeran harraparia izango da. Harrapariak pilota frontisean markatutako eremutik gora bakarrik jo ahal izango du pilota (eremu berdean). -Aldaerak: Pilota jo behar duen ikasleak ez badio pilotari ematen, hartu eta botatzeko aukera izatea.	-Frontoia bitan zatituz. -Klasea bitan banatuta (2x12). -Desplazamendu librea. -Irakaslea kanpoan.	-Gorputza eta eskuak martxan jarri.	8 min.
-Pilotari guztiak frontisean arituko dira. Errestoan bikote bat ipiniko da eta beste bikoteak ilaran. Errestoa egin behar duen bikotekideak lurrean eserita egongo dira eta pilotak frontisa jo arte ezin izango dute mugitu. Bikote batek jarraian 3 sake egingo ditu. Ondoren errestoan jarriko da eta errestoak egin dituen bikotea ilaran jarriko da. Sakez tanto egin duen bikoteak puntu 1 jasoko du eta errestoa ona egin duenak ere puntu 1.	-6 naka jarriko dira. -Frontoia 4 zatitan banatuko da (2 zenbaki bakoitzeko 6kote bat) -Desplazamendu librea. -Irakaslea kanpoan	-Sakez, errestoan dauden pilotariak lurrean eserita eta pilotak frontisa jo arte mugitu gabe tantoa egiteko gai izan.	13 min.
Ariketa 1: Bi bikote hasiko dira eta beste bi kanpoan itxarongo dute. Bikoteak txandaka lau sake 3tik 3ra egin ondoren errestoan jarriko dira eta gero ilaran jarriko dira. Sakatzaileak pilota jo eta pilotaren ibilbidearen arabera errestokoek baldintza bat bete beharko dute errestoa egiteko: a)Pilotak frontisa jo eta ezker horma ukitzen ez badu pilota airez jo beharko dute. b)Pilotak frontisa eta ondoren ezker horma ukitzen badu eskuineko eskuarekin jo beharko dute. c)Pilotak frontisa, punpa egin eta ondoren ezker horma ukitzen badu ezkerreko eskuarekin jo beharko dute. d)Pilotak ezker horma eta ondoren frontisa ukitzen badu ezkerreko eskuarekin jo beharko dute. Errestoa ona bada, sakeko bikoteak beste kolpe 1 izango du aurkariei tantoa egiteko. Sakez tantoa lortzen duen bikoteak 2 puntu eskuratuko du eta errestoaren ondoren airez lortzen badu, puntu 1. Errestoa egin dutenak tantoa egiten badute puntu bat. Aldaerak: - Errestoaren baldintzak kentzea, soilik sakekoak errespetatzea. - Sakeko baldintzak ezin badituzte bete, jo beharrean, jaurtitzea. -Ariketa 2: Errestoa egin behar duten bikotekideak derrigorrez airez jo behar izango dute pilota. Sakez tanto egin duen bikoteak puntu 1 jasoko du eta errestoa ona egin duenak ere puntu 1. Lau sake egin ondoren errestora. Lau erresto egin ondoren lerrora. Denbora bukatzen denean puntu zenbaketa. Aldaera: Sakea egiteko gai ez bada, jo beharrean, jaurtitzea. -Ariketa 3: Errestoa egin behar duten bikotekideek pilota derrigorrez airez jo beharko dute. Sakatzen dutenek errestokoei airea kentzean 2 puntu eskuratuko dute, eta errestokoek airez jo eta txarra eginez gero, puntu 1. Airez errestoa egin eta ona izanez gero beste taldeak beste kolpe bat egiteko aukera izango du. Airez errestoa egin eta tanto: 2 puntu. Airez errestoa egin eta beste taldeak tanto, puntu bana. Lau sake egin ondoren errestora. Lau erresto egin ondoren lerrora. Denbora bukatzen denean puntu zenbaketa. Aldaera: Sakea egiten gai ez badira, jo beharrean, jaurtitzea. Bukatzeko: Puntuen zenbaketa totala! (Anexo 1-ean marrazkia handiago ikusi daiteke)	-8naka jarriko dira. -Frontoia 3 zatitan banatuko da. Zati bakoitzean 4 bikote, 8 pertsona.  -Errotazio sistema. Ariketa bakoitzeko 13  minutu. -Bukatzean puntuen zenbaketa egingo da lehiaketa sistema moduan.  -Irakaslea kanpoan, 13 minuturo aldaketak egiten eta puntuen zenbaketa jasotzen.	-Ariketa 1: Kolaborazio-oposizioan, baldintzatutako errestoari sakez edo hurrengo pilotakadan tantoa egiteko gai izan. -Ariketa 2: Sakean, errestalariak derrigorrez airez pilota jo behar dutela kontuan hartuz tantoa egiteko gai izan. -Ariketa 3: Sakean, kolaborazio-oposizioan, errestokoei airea kendu edota tantoa egiteko gai izan.	39 min.