Jarduera Fisiko eta Kirolaren
Zientzietan lizentziatuak garen hiru pertsonak sortu dugu bolg-a. Gure helburua
Derrigorrezko Bigarren Hezkuntzako curriculumean oinarrituta, bai irakasle, bai
ikasle, edota Euskal Pilotan interesatua dagoen edonori, kirol honi buruzko
informazio baliogarria ematea eta irakaskuntza-ikaskuntza prozesua garatzeko
baliabide eta oin-gidari batzuk ematea izango da.
Oraintxe
aipatu moduan beraz, Euskal Pilotari buruzko informazioa, irudiak, bideoak,
ariketak, joko-jolasak, … jarriko ditugu, euskal kirol hau ezagutzera emateko
eta baita hezkuntzan duen aplikazioa azpimarratuko dugu. Hau dena unitate
didaktiko baten moduan emango da gehien bat.
Zehatzago
esatearren, gure blog hau D.B.H.ko 3.
mailako ikasleei zuzenduta egongo da. Hala ere, ez dugu inongo arazorik ikusten
4. mailan edota 2. Mailan emateko ere. Azkeneko bi kasu hauetan, baliteke
helburuak pixka bat aldatu behar izatea, curriculumari egokitzeko.
Beraz,
curriculumak dioen bezala eta Soin Hezkuntzako klaseetan bete beharreko helburu
orokorrak direla eta; guk hiru azpimarratzeko beharra ikusi dugu guk prestatuko
dugun unitate didaktikorako:
-Banakako, taldekako eta
aurkaritzako kirol-eta jolas-jarduerak ezagutzea eta egitea.
-Errespetuz jokatzea.
-Euskal Herriko eta beste kultura
batzuetako tradizio ludikoek eta fisiko nahiz kirolekoek duten gizarte- eta
kultura-kutsua aintzat hartzea.
Ondoren, Euskal Pilotako
unitate didaktikoan zehatzago landuko ditugun helburuak aipatuko ditugu. 3
eduki multzo landu behar dira kurtso bakoitzean, eta hori horrela izanda, guk
3. multzoa aukeratu dugu gure lan honetan sakontzeko; mugimen-kultura:
aisialdia eta denbora librerako hezkuntza, alegia.
Azkenik eduki multzo honen
barruan interesgarria ikusi dugu, hiru helburu zehatz aipatzea; hauek izango
baitira unitate didaktikoan zehar landuko ditugunak:
-Taldekako kirol baten teknika-, taktika- eta
araudi-oinarriak praktikatzea.
-Aktiboki
parte hartzea jarduera nahiz jolasetan.
-Banaka
egiten diren bertako jolas, dantza eta kirol herrikoiak praktikatzea.
Hau
horrela izanda, besterik gabe, Euskal Pilotako unitate didaktikoa erabilgarria
eta interesgarria izatea espero dugu.
